Publicado el 16/01/2020

ADXUDICADAS PROVISIONALMENTE AS OBRAS DE REORDENACIÓN DO PASEO DAS CAROLINAS E DO ENTORNO DO PARQUE GARCÍA BAYÓN

A xunta de goberno local reunida hoxe procedeu a adxudicar con carácter provisional as obras de reordenación do paseo das Carolinas e do entorno do parque García Bayón: unha agardada actuación que dá continuidade á recente remodelación do paseo do Malecón e que ten como propósito completar a renovación integral da fachada marítima da cidade de Santa Uxía.

Publicado el 15/01/2020

A Deputación da Coruña destina dous millóns de euros á nova edición da Rede Cultural

Dous millóns de euros é o orzamento que a área de Cultura da Deputación da Coruña destina á nova edición da Rede Cultural, o circuíto de espectáculos, concertos e proxeccións audiovisuais que se desenvolve nos distintos concellos da provincial. Compañías, produtoras ou artistas teñen de prazo até o día 31 de xaneiro para presentar propostas para os programas "Escena ao vivo!", "Visións", Lingua a Escena!" e "Alicerce".

Publicado el 15/01/2020

A casa da cultura de Noia acollerá este venres a presentación do libro “Baixo o signo da bipolaridade: a poesía de María Mariño Carou”

A casa da cultura Antón Avilés de Taramancos de Noia acollerá este venres 17 de xaneiro, ás 20:30 horas, a presentación do libro “Baixo o signo da bipolaridade. A poesía de María Mariño Carou”, un ensaio sobre a figura da poetisa noiesa escrito polo profesor Xosé Luís Sánchez Ferraces. O autor presentará o libro á veciñanza de Noia acompañado polo alcalde, Santiago Freire; Xerardo Agrafoxo, da Asociación Cultural Barbantia; e Francisco Castro, da Editorial Galaxia.

Publicado el 14/01/2020

A XUNTA PROMOCIONA A ARTESANÍA DE GALICIA NA FEIRA DE REFERENCIA DO DESEÑO ESCANDINAVO QUE SE CELEBRA EN ESTOCOLMO ATA O VENRES

A Xunta está a impulsar a comercialización e a promoción de Artesanía de Galicia no mercado nórdico, na feira de decoración Formex, que se celebra en Estocolmo desde hoxe e ata o vindeiro venres 17 de xaneiro. Con esta iniciativa, a Consellería de Economía, Emprego e Industria busca abrir novas canles de distribución para o produto artesanal galego.

Publicado el 14/01/2020

A Deputación da Coruña defende a promoción do galego na infancia coa colaboración con Correlingua

Apoiar e promover o uso do galego nas xente máis nova, apoiar iniciativas que animen a usar a nosa lingua en nenas e nenos e contribuír á eliminación da ruptura xeracional son algúns dos obxectivos da Deputación da Coruña con respecto á normalización da lingua galega que se plasman en distintas liñas de actuación como o apoio ao Correlingua que hoxe se selou na sede institucional.

Publicado el 13/01/2020

A provincia da Coruña, protagonista dun selo de Correos

O presidente da Deputación da Coruña, Valentín González Formoso, e o director de Filatelia de Correos, Modesto Fraguas Herrera, presentaron esta mañá na sede da institución provincial o novo selo da serie “12 meses, 12 sellos” dedicado á provincia da Coruña.

Publicado el 13/01/2020

UN TOTAL DE 39 OBRAS PRESENTADAS AO XLV PREMIO MODESTO R. FIGUEIREDO, REFERENTE DA LITERATURA GALEGA CONTEMPORÁNEA

Un total de 39 obras foron presentadas á XLV edición do certame galego de narracións breves “Premio Modesto R. Figueiredo, un dos máis prestixiosos concursos de literatura galega contemporánea. O xurado do concurso reuniuse o pasado sábado no Centro Cultural Lustres Rivas de Riveira, municipio que albergará tamén o acto público de entrega de premios o vindeiro 25 de xaneiro.

Publicado el 13/01/2020

CURVA ESPAÑA, O NOVO ESPECTÁCULO DE CHÉVERE, EN XIRA NO 2020

Curva España, a nova produción de Chévere, continuará a súa xira durante o ano 2020. Así, no mes de xaneiro o espectáculo poderase ver en Vigo (día 16), Pontevedra (día 17), Lugo (día 19), Ourense (días 24 e 25) e Ames (día 31). Ademais, proximamente a obra viaxará a Eibar e Vitoria. No mes de marzo, poderase ver durante 10 días en Teatros del Canal de Madrid.

Publicado el 13/01/2020

Noia, Ames e Camariñas acollerán a primeira Liga Galaica de 3 horas de Resistencia BTT, que terá lugar entre xaneiro e febreiro

Os clubs ciclistas O Toxo (Noia), Os Esfola Arrós (Ames) e Baikers do Vilán (Camariñas), en colaboración cos Concellos de Noia, Ames e Camariñas, organizan a primeira edición da Liga Galaica de 3 horas de Resistencia BTT, que terá lugar o 26 de xaneiro (Noia), o 2 de febreiro (Ames) e o 16 de febreiro (Camariñas). As tres probas rexeranse por un mesmo regulamento, contarán cun máximo de 400 prazas dispoñibles e as inscricións poderán formalizarse en www.magmasports.es. O custe da inscrición é de 15 € por participante individual, 24 € para as persoas que participen en parella e 30 € para as que o fagan en tríos.

Publicado el 10/01/2020

O CONCELLO LICITA POR CASE 200.000 EUROS A ESCAVACIÓN E POSTA EN VALOR DA MURALLA DO RECINTO SUPERIOR DO CASTRO DA CIDÁ

O Concello de Riveira acaba de sacar a licitación unha intervención arqueolóxica consistente na escavación e posta en valor da muralla do recinto superior do Castro da Cidá. Trátase da terceira actuación que se vai efectuar sobre este milenario asentamento fortificado emprazado no cumio do monte da Cidá e que tantos interesantes descubrimentos está propiciando.

Publicado el 10/01/2020

Importante paso para a oficialización do Camiño a Santiago pola Ría de Muros-Noia: os/as alcaldes/as reúnense coas máximas autoridades de Cultura e do Xacobeo

A Asociación de Concellos do Camiño a Santiago pola Ría de Muros-Noia deu esta mañá un importante paso de cara a conseguir a oficialización deste itinerario coa primeira reunión entre os alcaldes e alcaldesas dos nove municipios promotores da iniciativa (Ames, Brión, Lousame, Muros, Noia, Outes, Porto do Son, Rois e Santiago) e a plana maior da Consellería de Cultura e Turismo da Xunta de Galicia, encabezada polo conselleiro Román Rodríguez; a directora xeral de Patrimonio Cultural, María del Carmen Martínez Insua; o director da SA Xacobeo, Isaías Calvo de la Uz; e o secretario xeral técnico de Cultura, Manuel Vila.

Publicado el 09/01/2020

O Museo do Pobo Galego acolle a primeira parada da exposición do premio Ksado de Fotografía da Deputación da Coruña

O vindeiro día 16 de xaneiro abrirase no Museo do Pobo Galego a exposición das dúas series gañadoras e as finalistas do XIV Premio Ksado de fotografía da Deputación da Coruña. A colección "Fillos de Breogán" do lugués Alejandro Real e "Gangborder" de Javier Arcenillas, gañadores do certame, poderanse ver en Santiago até o vindeiro 18 de febreiro nunha itinerancia que visitará dez concellos da Coruña.

Publicado el 08/01/2020

UNHA EXPOSICIÓN PICTÓRICA SOBRE OS VIÑOS DA RIBEIRA SACRA DESEMBARCA NO CONSISTORIO

Dende hoxe ata o 14 de febreiro, quen se achegue ata a Casa do Concello de Riveira poderá disfrutar dunha exposición formada por 24 obras inspiradas nos viños da Ribeira Sacra. O seu título, “A Riveira pola Ribeira Sacra”. Trátase dunha mostra elaborada polo binomio creativo que asina baixo o nome artístico Art Gui Glo, composto polo albaceteño Guille de la Paz e a padronesa Gloria López Paz, ambos afincadas en Boiro.

Publicado el 07/01/2020

O Concello de Noia retira o lixo dun vertedoiro de vidro na Pastoriza

O Concello de Noia vén de retirar o lixo do primeiro vertido incontrolado do ano, nesta ocasión de plásticos e de vidro nunha parcela da Pastoriza, na parroquia de Roo. O concelleiro de Medio Ambiente, Martín Fernández Godón, explica que “nesta ocasión a maioría do material retirado é vidro, sobre todo lúas de vehículos, pero tamén lixo e mesmo cueiros, que deberían ter sido depositados no punto limpo para a súa correcta reciclaxe”.

Publicado el 06/01/2020

A XUNTA DESTINARÁ 3,7 M€ A AXUDAR AOS CONCELLOS DA CORUÑA A MELLORAR OS CAMIÑOS MUNICIPAIS DE ACCESO A PARCELAS AGRARIAS

Os concellos da provincia da Coruña recibirán unha axuda total de 3,7 millóns de euros para mellorar e acondicionar os camiños municipais de acceso a parcelas agrarias. Será dentro do Plan Marco 2020-2021 que xestiona a Axencia Galega de Desenvolvemento Rural (Agader), adscrita á Consellería do Medio Rural, e que conta cun orzamento para o conxunto de Galicia de 12 millóns de euros, distribuídos nas devanditas anualidades a razón de case 6 millóns de euros cada unha.

Publicado el 06/01/2020

A XUNTA COMPLETA A DIXITALIZACIÓN DE CATORCE RULAS GALEGAS

As lonxas de Ferrol, Fisterra, Camariñas, Cariño, A Pobra do Caramiñal, Porto do Son, Mugardos e Barallobre na provincia de A Coruña, e Aldán, A Guarda, Baiona, Vilaxoán, Vilaboa e Arcade en Pontevedra, xa dispoñen da plataforma tecnolóxica única que integra os sistemas de xestión, poxa, comercialización e emisión de notas de venda. Son as catorce primeiras lonxas nas que se completa a iniciativa Primare Lonxas 4.0 para a dixitalización das rulas, impulsada pola Amtega e a Consellería do Mar.

Publicado el 05/01/2020

As temperaturas baixo cero non conxelan a Cabalgata de Reis de Lousame, unha das máis concorridas dos últimos anos

A ilusión da rapazada e as familias de Lousame foi quen de impoñerse ao forte frío e as xeadas caídas esta noite no municipio, permitindo que a Cabalgata de Reis polas parroquias fose todo un éxito. De feito, non só houbo que facer todas as paradas senón que mesmo se fixeron algunhas non previstas (Lesende, Vilar de Reconco, Marracín, Ces...) ao atopar grupos de nenos e nenas no traxecto da comitiva real.