Publicado el 17/10/2019

RIVEIRA ACOLLERÁ A ENTREGA DO XLV PREMIO MODESTO R. FIGUEIREDO, REFERENTE DA LITERATURA GALEGA CONTEMPORÁNEA

O Concello de Riveira colabora coa Fundación do Padroado Pedrón de Ouro na organización da XLV edición do certame galego de narracións breves “Premio Modesto R. Figueiredo”: un dos máis prestixiosos concursos da literatura galega contemporánea con gañadores da talla de Xosé Luis Méndez Ferrín, Xavier Alcalá, Víctor Freixanes, Miguel Anxo Fernán Vello, Tucho Calvo, Margarita Ledo, Rosa Aneiros, Carlos G. Reigosa, Inma López Silva, Antón Riveiro Coello ou Esther F. Carrodeguas, entre moitos outros.

Publicado el 16/10/2019

O Concello de Noia convoca un curso gratuíto de autodefensa para mulleres ante situacións violentas

O Concello de Noia, a través do Centro de Información á Muller, organiza un curso gratuíto de autodefensa para mulleres ante situacións violentas, que será impartido por especialistas da Federación Galega de Loita e pertencentes ás Forzas e Corpos de Seguridade do Estado. As veciñas de Noia interesadas en participar deberán anotarse previamente no CIM de Noia (edificio de Servizos Sociais, Rúa do Curro, nº 4).

Publicado el 15/10/2019

O lugués Alejandro Real e o salmantino Javier Arcenillas gañan o XIV Premio Ksado de Fotografía da Deputación da Coruña

"Fillos de Breogán" do lugués Alejandro Real Novo e "Gangborder" de Javier Arcenillas son os traballos gañadores do XIV Premio Ksado de Fotografía da Deputación da Coruña. Un xurado internacional decidiu premiar conxuntamente as dúas obras pola súa alta calidade. Mañá entregarase na Deputación da Coruña o Premio Fotógrafo aao Arquivo Fotográfico Vidal, de Laxe.

Publicado el 15/10/2019

O Coliseo Noela acollerá este venres 18 de outubro a preestrea do primeiro capítulo do programa “Anacos de Vida”, gravado en Noia

O Coliseo Noela acollerá este venres 18 de outubro, ás 20:30 horas, a preestrea do primeiro capítulo de “Anacos de Vida”, gravado no municipio de Noia. Así, o episodio recolle a historia de Pepe Barrio, gran deportista e unha das persoas máis respectadas e queridas do municipio; así como os preparativos da homenaxe ás dúas primeiras matronas de Noia: Angelita Durán e Pepita “A Pola”, organizada polo Concello de Noia.

Publicado el 15/10/2019

O Concello de Lousame cambia os xogos do parque infantil de Vilacova

O Concello de Lousame vén de cambiar os xogos do parque infantil de Vilacova, continuando así co seu plan de mellora de parques infantís no municipio. O concelleiro de Obras, Ramón Martínez, explica que “nesta actuación en Vilacova procedemos á instalación de novos xogos infantís, como a casiña de xogos ou os balancíns, así como á reparación doutros xa existentes” e confirma que “a nosa próxima actuación será en San Xusto”.

Publicado el 14/10/2019

A ruta solidaria a favor da asociación Misela agarda reunir a máis de 400 persoas en Noia o vindeiro domingo 20 de outubro

O salón de plenos do Concello de Noia acolleu esta mañá a presentación ruta solidaria a favor da asociación “Misela”, que terá lugar o vindeiro domingo 20 de outubro organizada pola Trabandainas en colaboración co Concello de Noia. Para participar só é preciso anotarse en https://cronocheck.com/ruta-solidaria-2019 antes das 23:59 horas do mércores 16 de outubro ou contactar con Trabandainas a través do mail clubtrabandainas@gmail.com ou do teléfono 683 35 41 97. O custe da inscrición é de 5 euros.

Publicado el 14/10/2019

A Deputación da Coruña apoia a programación cultural da Real Academia Galega

O presidente da Deputación da Coruña, Valentín González Formoso, e o seu homólogo da Real Academia Galega, Víctor F. Freixanes, asinaron esta mañá na sede da institución provincial o convenio polo que a Deputación financia a programación cultural da entidade durante o presiente ano. Ao acto asistiu tamén o deputado responsable da área de Cultura, Xurxo Couto.

Publicado el 13/10/2019

UN TOTAL DE 30 CENTROS PÚBLICOS DA PROVINCIA DA CORUÑA DESENVOLVERÁN ESTE CURSO O PROGRAMA RADIO NA BIBLIO

A Consellería de Educación, Universidade e Formación Profesional acaba de publicar a resolución cos centros que van desenvolver o programa Radio na Biblio ao longo do curso 2019/20. En total serán 80 os centros públicos de toda Galicia – 30 deles de nova incorporación- que participen nesta iniciativa, que ten como obxectivo impulsar a creación de emisoras ou laboratorios radiofónicos no contexto da biblioteca escolar. Na provincia da Coruña incorpóranse ao programa 13 centros e outros 17 renovan a súa participación.

Publicado el 12/10/2019

UN TOTAL DE 277 ALUMNOS DE 12 CENTROS EDUCATIVOS PÚBLICOS DA PROVINCIA DA CORUÑA PARTICIPARÁN NA SEMANA STEM ESTE OUTONO

A Consellería de Educación, Universidade e Formación Profesional vén de publicar a resolución dos 21 centros seleccionados para participar este outono na Semana STEM (Ciencia, Tecnoloxía, Enxeñaría e Matemáticas), da que tomarán parte un total de 450 alumnas e alumnos (un máximo de 25 por centro) a partir de mañá, cando arrinca a primeira quenda de estadías. Da provincia da Coruña participarán nesta experiencia 277 estudantes de 12 centros de ensino.

Publicado el 11/10/2019

O Concello de Noia repara varios tramos de beirarrúas na parroquia de Barro

O Concello de Noia está acometendo nestes días pequenas actuacións de mellora nas beirarrúas da parroquia de Barro. “Trátase de dar continuidade ao noso plan de reparación de beirarrúas en todo o municipio, polo que durante estes días fixemos reparacións de determinados tramos de beirarrúas en Barro”, explica o concelleiro de Obras, Martín Fernández Godón.

Publicado el 11/10/2019

O Concello de Lousame convoca a 17ª edición do Programa “Activa-Mente”, unha actividade gratuíta dirixida a maiores de sesenta anos

A Concellería de Servizos Sociais do Concello de Lousame convoca por decimosétimo ano consecutivo o Programa “Activa-Mente”, unha actividade gratuíta dirixida a mellorar a calidade de vida dos veciños e veciñas maiores do municipio a través de actividades dirixidas a manter e mellorar capacidades como a atención, a memoria, o cálculo ou a linguaxe.

Publicado el 10/10/2019

Familias de Lousame participan nas xornadas formativas “Navegando en familia”

Varias familias lousamiás, con fillos e fillas entre 5º de Primaria e 4º da ESO, participaron na primeira das seis sesións das xornadas formativas “Navegando en Familia”, organizadas polo Concello de Lousame en colaboración co CPI Plurilingüe Cernadas de Castro. A próxima sesión terá lugar o martes 22 de outubro, ás 17:20 horas, no colexio lousamiá. Para participar só é preciso inscribirse previamente na Concellería de Igualdade, no 981 820 494 ou por WhastApp no 689 126 385.

Publicado el 10/10/2019

Familias de Lousame participan nas xornadas formativas “Navegando en familia”

Varias familias lousamiás, con fillos e fillas entre 5º de Primaria e 4º da ESO, participaron na primeira das seis sesións das xornadas formativas “Navegando en Familia”, organizadas polo Concello de Lousame en colaboración co CPI Plurilingüe Cernadas de Castro. A próxima sesión terá lugar o martes 22 de outubro, ás 17:20 horas, no colexio lousamiá. Para participar só é preciso inscribirse previamente na Concellería de Igualdade, no 981 820 494 ou por WhastApp no 689 126 385.

Publicado el 10/10/2019

Un total de 21 veciños e veciñas de Noia maiores de 50 anos participan no programa “Camiños de coñecemento e experiencia”

Un total de 21 veciños e veciñas de Noia maiores de 50 anos participan dende hoxe e ata o vindeiro 25 de outubro no programa “Camiños de coñecemento e experiencia, proxecto de democratización do coñecemento”, unha iniciativa gratuíta de formación universitaria posta en marcha pola Universidade de Santiago de Compostela e coa que por primeira vez colabora o Concello de Noia.

Publicado el 09/10/2019

A Xunta entrégalle a Protección Civil de Lousame un remolque totalmente equipado con material de emerxencias

O tenente de alcaldesa de Lousame, Ramón Martínez, recolleu un remolque totalmente equipado con material de emerxencias para a Agrupación de Voluntarios de Protección Civil de Lousame, de man do director xeral de Emerxencias e Interior, Santiago Villanueva, e o delegado territorial da Xunta na Coruña, Ovidio Rodeiro. Un acto celebrado esta mañá en Vedra e no que se entregaron cinco vehículos pick-up (Cedeira, Carnota, Zas, Carral e Vedra) e sete remolques (Ames, A Pobra do Caramiñal, Cee, Culleredo, Lousame, Oroso e Paderne).