Publicado el 22/01/2020

A Deputación converte este verán á Costa da Morte nun “Olimpo ciclista” con difusión internacional

A Feira Internacional de Turismo de Madrid (FITUR) acolleu no día da súa inauguración a presentación de dúas citas de referencia no mundo do ciclismo que este verán se desenvolverán nun escenario único e espectacular: a nova edición do Gran Fondo Ézaro e o regreso de La Vuelta a España á Costa da Morte. No acto participaron o vicepresidente da Deputación da Coruña, Xosé Regueira e o deputado e alcalde de Dumbría, José Manuel Pequeño Castro, ademais de destacadas figuras do mundo deportivo e do audiovisual.

Publicado el 20/01/2020

A Deputación da Coruña promociona en Fitur proxectos claves para o futuro do sector turístico da provincia

O proxecto de Xeoparque de Ortegal, o Gran Fondo Ézaro ou a candidatura da Costa da Morte a Reserva Mundial de Surf son algúns dos programas que a Deputación da Coruña promocionará na Feira Internacional de Turismo (FITUR) que se desenvolve en Madrid desde o mércores 22 até o domingo 26 de xaneiro. A presentación o mércores ás 13 horas da etapa 16 da Vuelta a España que transcorrerá desde Muros ao Ézaro e unha nova edición do Gran Fondo será un dos pratos fortes do programa do primeiro día da feira.

Publicado el 17/01/2020

O pleno da Deputación da Coruña rexeita a proposta do PP sobre a AP9 por estar "superada" no acordo do goberno PSOE-BNG

PSOE, BNG, Alternativa dos Veciños e En Marea votaron en contra da proposta sobre a AP9 do PP por estar "amplamente superada polo acordo do PSOE-BNG para o goberno do Estado". Lamentaron tamén que o PP non retirara a solicitude de celebración do pleno extraordinario cando o acordo de investidura contempla unha bonificación do "100% nas peaxes para os usuarios recorrentes (dúas veces ou máis ao día) tanto particulares como profesionais, durante todos os días da semana" mentres que o PP solicitaba un 25%.

Publicado el 15/01/2020

A Deputación da Coruña destina dous millóns de euros á nova edición da Rede Cultural

Dous millóns de euros é o orzamento que a área de Cultura da Deputación da Coruña destina á nova edición da Rede Cultural, o circuíto de espectáculos, concertos e proxeccións audiovisuais que se desenvolve nos distintos concellos da provincial. Compañías, produtoras ou artistas teñen de prazo até o día 31 de xaneiro para presentar propostas para os programas "Escena ao vivo!", "Visións", Lingua a Escena!" e "Alicerce".

Publicado el 14/01/2020

A Deputación da Coruña defende a promoción do galego na infancia coa colaboración con Correlingua

Apoiar e promover o uso do galego nas xente máis nova, apoiar iniciativas que animen a usar a nosa lingua en nenas e nenos e contribuír á eliminación da ruptura xeracional son algúns dos obxectivos da Deputación da Coruña con respecto á normalización da lingua galega que se plasman en distintas liñas de actuación como o apoio ao Correlingua que hoxe se selou na sede institucional.

Publicado el 13/01/2020

A provincia da Coruña, protagonista dun selo de Correos

O presidente da Deputación da Coruña, Valentín González Formoso, e o director de Filatelia de Correos, Modesto Fraguas Herrera, presentaron esta mañá na sede da institución provincial o novo selo da serie “12 meses, 12 sellos” dedicado á provincia da Coruña.

Publicado el 09/01/2020

O Museo do Pobo Galego acolle a primeira parada da exposición do premio Ksado de Fotografía da Deputación da Coruña

O vindeiro día 16 de xaneiro abrirase no Museo do Pobo Galego a exposición das dúas series gañadoras e as finalistas do XIV Premio Ksado de fotografía da Deputación da Coruña. A colección "Fillos de Breogán" do lugués Alejandro Real e "Gangborder" de Javier Arcenillas, gañadores do certame, poderanse ver en Santiago até o vindeiro 18 de febreiro nunha itinerancia que visitará dez concellos da Coruña.

Publicado el 19/12/2019

A tecnolóxica coruñesa Igalia, a cooperativa cultural compostelá Numax e Estudio 1917 Makeup gañan os premios PEL da Deputación ás mellores iniciativas empresariais da provincia da Coruña

O Pazo de Mariñán (Bergondo) acolleu esta noite o acto de entrega da III edición dos premios PEL, uns galardóns cos que a Deputación da Coruña recoñece cada ano ás mellores empresas da provincia e que este ano amplíase as iniciativas de asociacións, concellos e empresas en materia de emprego e aposta polo desenvolvemento económico.

Publicado el 18/12/2019

A Costa da Morte será protagonista na Vuelta a España máis internacional

A Costa da Morte volverá a ser protagonista da 75 edición de La Vuelta a España, que onte presentou en Madrid a súa edición 2020. Será a Vuelta máis internacional ata o momento, pois disputará as tres primeiras xornadas nos Países Baixos e percorrerá tamén estradas de Francia e Portugal ao longo de 21 etapas.

Publicado el 18/12/2019

A Deputación da Coruña solicitará personarse na causa para a recuperación do Pazo de Meirás

A Deputación da Coruña solicitará sumarse na causa para a recuperación do Pazo de Meirás que se segue no Xulgado da Coruña para que o inmóbel en mans da familia Franco pase a ser patrimonio público. Así o decidiu o goberno da Deputación e así llo trasladou hoxe, Xosé Regueira, aos membros da Xunta de Portavoces, entre eles ao de Marea Atlántica, grupo que presentou unha moción sobre este tema que se debaterá no próximo pleno a quen tamén notificou a vontade de eliminar todos os símbolos e recoñecementos franquistas que perduran na institución.

Publicado el 17/12/2019

A Deputación da Coruña aposta por unhas festas en igualdade

Eliminar a violencia machista nas conmemoracións, contra o acoso, pola conciliación e para abolir a división sexista dos xoguetes son algunhas das propostas que se recollen no decálogo "Por unhas festas en igualdade" que forma parte da campaña se presentou esta mañá na Deputación da Coruña. A deputada e a técnica da área de Igualdade, María Muíño e Eva Ovenza deron conta da iniciativa que ten como obxectivo contribuír a que o machismo desapareza das conmemoracións deste Nadal e das festas que se desenvolven ao longo do ano .

Publicado el 04/12/2019

A Deputación da Coruña súmase ao proxecto interrexional de prevención de incendios forestais GEFRECON

A Deputación da Coruña aprobou no pleno do pasado luns sumarse ao proxecto GEFRECON (Xestión Forestal Conxunta para Prevención de Incendios no Territorio), unha iniciativa cofinanciada polo Fondo Europeo de Desenvolvemento Rexional FEDER que busca, xunto con outras dez administracións, empresas e entidades públicas de España e Portugal, reducir o risco de incendios forestais a través de actuacións conxuntas, sensibilización da poboación, información e formación en autoprotección e promoción para a creación de empresas forestais.

Publicado el 02/12/2019

A Deputación da Coruña maniféstase contra o negacionismo da violencia machista

Cos votos de todos os grupos representados no pleno, a Deputación da Coruña aprobou unha declaración institucional que inclúe un posicionamento contra o negacionismo e a favor da esixencia do cumprimento do Pacto de Estado sobre a violencia machista. Ademais, a institución comprométese a incrementar recursos na loita contra o feminicidio, o que tamén reclama doutras administracións".