Publicado el 27/03/2020

A AUTORIZACIÓN DA XUNTA A EXLABESA PARA A AMPLIACIÓN DAS SÚAS INSTALACIÓNS PERMITIRÁ Á EMPRESA CREAR 200 EMPREGOS

O Consello da Xunta acordou hoxe a aprobación definitiva do proxecto sectorial de incidencia supramunicipal para a ampliación e mellora das instalacións que Exlabesa ten no polígono industrial situado entre os concellos de Padrón e Rois (A Coruña). Así, a empresa prevé aumentar e modernizar a súa superficie e xerar 200 postos de traballo, contribuíndo ao impulso da actividade económica e industrial da comarca.

Publicado el 16/03/2020

A XUNTA INFORMA DE QUE NON SERÁ NECESARIO RENOVAR A DEMANDA DE EMPREGO ATA O 30 DE ABRIL DE 2020

A Consellería de Economía, Emprego e Industria informa de que, tal e como se acordou polo Centro de Coordinación Operativa (Cecop) de Galicia, a rede de oficinas de emprego do Servizo Público de Emprego de Galicia pecha desde hoxe as súas portas ao público para ofrecer aos cidadáns atención tanto telefónica como telemática para a realización dos trámites urxentes, debido ás medidas adoptadas pola evolución epidemiolóxica do coronavirus COVID-19.

Publicado el 03/03/2020

A PARTICIPACIÓN DE CONGALSA NO PROGRAMA FÁBRICA INTELIXENTE DA XUNTA AMOSA O COMPROMISO DA EMPRESA POR FACER DA TRANSFORMACIÓN DIXITAL UNHA OPORTUNIDADE PARA SEGUIR MEDRANDO

O conselleiro de Economía, Emprego e Industria, Francisco Conde, sinalou hoxe que a participación de Congalsa no programa Fábrica Intelixente da Xunta amosa o compromiso da empresa por facer da transformación dixital unha oportunidade para seguir medrando. Así o manifestou durante unha visita ás instalacións para coñecer de primeira man os avances que esta empresa está a facer no eido da Industria 4.0.

Publicado el 03/03/2020

A xunta DESTACA QUE OS GAÑADORES DOS PREMIOS RSE DEMOSTRAN QUE A RESPONSABILIDADE SOCIAL EMPRESARIAL É CLAVE PARA IMPULSAR O EMPREGO DE CALIDADE E A CONCILIACIÓN

O conselleiro de Economía, Emprego e Industria, Francisco Conde, sinalou hoxe na entrega dos Premios RSE Galicia 2019, organizados pola Xunta, que a responsabilidade social empresarial é clave para impulsar o emprego de calidade e a conciliación. Na súa intervención, resaltou que a competitividade do tecido empresarial galego se basea na diferenciación a través da calidade e da innovación, e que unha parte irrenunciable desa fórmula son a sustentabilidade, a seguridade laboral e a igualdade.

Publicado el 29/02/2020

ALUMNOS DA ESCOLA NÁUTICO-PESQUEIRA DE RIBEIRA VISITAN AS INSTALACIÓNS DA ARMADA EN FERROL COMO COMPLEMENTO DA SÚA FORMACIÓN

Alumnos da Escola Oficial Náutico-Pesqueira de Ribeira, dependente da Consellería do Mar, visitaron esta semana as instalacións da Armada española en Ferrol para coñecer os distintos equipamentos cos que conta e poder complementar así a súa formación no eido marítimo. Os estudantes, arredor duns 30 pertencentes aos ciclos formativos de grao medio e superior de ponte e máquinas, puideron coñecer xunto a varios profesores as distintas funcionalidades das instalacións grazas ás explicacións dos profesionais da Armada.

Publicado el 16/02/2020

A XUNTA INFORMA AOS CONCELLOS SOBRE A NOVA CONVOCATORIA DE AXUDAS PARA A POSTA EN MARCHA DE CASAS DO MAIOR

O director xeral de Maiores e Persoas con Discapacidade, Ildefonso de la Campa, acompañado do delegado da Xunta na Coruña, Ovidio Rodeiro, reuniuse esta semana con alcaldes de concellos das provincias da Coruña, Ourense e Pontevedra, e nos vindeiros días farao con rexedores lucenses, para informarlles sobre as novas axudas para a creación de casas do maior. A Xunta ten aberto desde principios deste mes o prazo de presentación de propostas para estender a máis concellos estes pequenos centros de día para maiores, que non teñen coste algún para os seus usuarios.

Publicado el 15/02/2020

A XUNTA CONVOCA OS EXAMES ORDINARIOS E EXTRAORDINARIOS DE 2020 PARA O MANEXO DAS EMBARCACIÓNS DE LECER E MOTOS NÁUTICAS

O Diario Oficial de Galicia (DOG) publicou esta semana as datas para a realización dos exames ordinarios teóricos e prácticos para obter os títulos que permiten manexar embarcacións de lecer e motos náuticas en Galicia. As titulacións para as que se convocan os exames son patrón para a navegación básica, patrón de embarcación de lecer, patrón de iate, capitán de iate e patrón de motos náuticas A e B. Para optar a elas realizaranse exames teóricos e prácticos nos centros oficiais de ensino pesqueiro da Consellería do Mar.

Publicado el 12/02/2020

A XUNTA INFORMA ÁS EMPRESAS DA INDUSTRIA FORESTAL DAS COMARCAS DE BARBANZA, MUROS E NOIA DAS DIFERENTES AXUDAS Á SÚA DISPOSICIÓN

O director da Axencia Galega da Industria Forestal (Xera), Ignacio Lema, participou esta tarde en Outes (A Coruña) nunha xornada organizada en colaboración coa Federación empresarial de aserradoiros e rematantes de madeira de Galicia (Fearmaga) para informar ás empresas da industria forestal das comarcas de Barbanza, Muros e Noia das diferentes convocatorias de axudas da Consellería de Economía, Emprego e Industria que están á súa disposición.

Publicado el 08/02/2020

OVIDIO RODEIRO INFORMOU QUE A XUNTA APOIOU NA COMARCA DO BARBANZA A 42 AUTÓNOMOS CON AXUDAS DE MÁIS DE 104.000€

O delegado territorial da Xunta, Ovidio Rodeiro, informou da resolución do Bono Autónomo na área do Barbanza. Concretamente, nesta comarca recibiron, no 2019, estas axudas 42 persoas e as achegas totais foron de máis de 104.000 euros para traballadores por conta propia dos concellos de Boiro, Carnota, Lousame, Muros, Noia, Outes, Pobra do Caramiñal, Rianxo e Ribeira.

Publicado el 08/02/2020

GALICIA RECOÑECE ANTE ANMUPESCA A NECESIDADE DE QUE SE REVISEN OS COEFICIENTES REDUTORES EN ACTIVIDADES DO SECTOR PESQUEIRO COMO A DAS REDEIRAS

A conselleira do Mar, Rosa Quintana, trasladou hoxe todo o seu apoio á Asociación Nacional de Mulleres da Pesca (Anmupesca) durante a celebración da súa asemblea xeral e informou de que a Xunta está a facer xestións para mellorar as condicións de traballo das mulleres do sector. De feito, esta semana a titular de Mar mantivo unha reunión coa secretaria xeral de Pesca do Ministerio de Agricultura, Pesca e Alimentación, Alicia Villauriz, na que lle volveu trasladar a necesidade de revisar os coeficientes redutores para adaptalos ás novas circunstancias da frota e aos diferentes segmentos do sector, especialmente nalgunhas actividades moi feminizadas como a das redeiras, unificando as circunstancias a efectos laborais e de xubilación.

Publicado el 07/02/2020

A XUNTA RECOÑECERÁ O ESFORZO DOS CONCELLOS COMPROMETIDOS COA PAISAXE E O MEDIO AMBIENTE CUN NOVO DISTINTIVO: A BANDEIRA VERDE DE GALICIA

O presidente do Goberno galego, Alberto Núñez Feijóo, avanzou hoxe que a Xunta recoñecerá o esforzo dos concellos comprometidos coa paisaxe e o medio ambiente cun novo distintivo: a Bandeira Verde de Galicia. Un recoñecemento que pretende coidar e fortalecer a Galicia verde, recoñecendo o esforzo daqueles concellos que implanten boas prácticas e fomenten o compromiso dos seus veciños neste eido.

Publicado el 07/02/2020

A XUNTA DESTACA EN NOIA A IMPORTANCIA DE DIVULGAR OS VALORES DO COOPERATIVISMO ENTRE OS ESCOLARES GALEGOS

A secretaria xeral de Emprego, Covadonga Toca, participou esta mañá, no CEIP Felipe de Castro de Noia, na actividade Almorzos Cooperativos, impulsada pola Asociación Galega de Cooperativas Agroalimentarias (Agaca) no marco da Rede Eusumo da Consellería de Economía, Emprego e Industria, onde destacou a importancia de promover os valores da Economía Social entre os escolares galegos.

Publicado el 22/01/2020

FEIJÓO ANUNCIA AXUDAS DE ATA 9.000€ PARA QUE O AUTÓNOMO QUE ACABE DE TER UN FILLO POIDA CONTRATAR UN TRABALLADOR QUE O SUBSTITÚA E FINANCIAR O 75% DA ESCOLA INFANTIL DO PRIMEIRO FILLO NO PRIMEIRO ANO

O presidente do Goberno galego, Alberto Núñez Feijóo, anunciou hoxe axudas por valor de 9.000 euros para que os autónomos poidan financiar ata o 75% do custo da escola infantil do primeiro fillo durante o primeiro ano e poidan contratar unha persoa que substitúa ao nai ou pai autónomo que acaba de ter un fillo. “Estamos a falar dun programa que consiste en primeiro lugar nunha axuda de 6.000 euros para que poidan contratar a un traballador que substitúa ao pai ou nai autónomo que acabe de ter un fillo e, adicionalmente, terán unha axuda de ata 3.000 euros para financiar o 75% da escola pública durante o primeiro ano”.

Publicado el 14/01/2020

A XUNTA PROMOCIONA A ARTESANÍA DE GALICIA NA FEIRA DE REFERENCIA DO DESEÑO ESCANDINAVO QUE SE CELEBRA EN ESTOCOLMO ATA O VENRES

A Xunta está a impulsar a comercialización e a promoción de Artesanía de Galicia no mercado nórdico, na feira de decoración Formex, que se celebra en Estocolmo desde hoxe e ata o vindeiro venres 17 de xaneiro. Con esta iniciativa, a Consellería de Economía, Emprego e Industria busca abrir novas canles de distribución para o produto artesanal galego.

Publicado el 06/01/2020

A XUNTA DESTINARÁ 3,7 M€ A AXUDAR AOS CONCELLOS DA CORUÑA A MELLORAR OS CAMIÑOS MUNICIPAIS DE ACCESO A PARCELAS AGRARIAS

Os concellos da provincia da Coruña recibirán unha axuda total de 3,7 millóns de euros para mellorar e acondicionar os camiños municipais de acceso a parcelas agrarias. Será dentro do Plan Marco 2020-2021 que xestiona a Axencia Galega de Desenvolvemento Rural (Agader), adscrita á Consellería do Medio Rural, e que conta cun orzamento para o conxunto de Galicia de 12 millóns de euros, distribuídos nas devanditas anualidades a razón de case 6 millóns de euros cada unha.