Publicado el 14/03/2020

O Pleno de Lousame aproba por unanimidade a adxudicación do SAF dependencia á empresa Sanamede SL por case 450.000 euros

O Pleno municipal extraordinario do Concello de Lousame acordou por unanimidade adxudicar o Servizo de Axuda no Fogar (SAF) para persoas dependentes á empresa Sanamede SL, “por ser a oferta mellor valorada en canto a calidade e prezo do servizo”, explicou a alcaldesa Teresa Villaverde. Unha adxudicación por un prezo de 14,4 euros/hora (sen IVE) e 14,98 euros/hora (con IVE) por un período de 12 meses non prorrogables.

Publicado el 12/03/2020

Lousame abre do 16 de marzo ao 15 de abril o prazo de reserva de praza no Punto de Atención á Infancia para o curso 2020-2021

O Concello de Lousame informa de que o período para a reserva de praza no Punto de Atención á Infancia, centro para menores de 0 a 3 anos, estará aberto entre o próximo luns 16 de marzo e o 15 de abril. As persoas interesadas poden dirixirse aos Servizos Sociais municipais, onde se lles facilitará a información e a documentación precisa, ou descargar a solicitude da páxina web municipal: www.concellodelousame.gal.

Publicado el 11/03/2020

O Concello de Lousame apraza a II Xuntanza de Maiores prevista para este domingo

O Concello de Lousame decidiu aprazar a II Xuntanza dos Maiores de Lousame como medida de precaución e seguindo as recomendacións das autoridades sanitarias para previr a propagación do coronavirus COVID-19. Unha xuntanza inicialmente programada para este domingo 15 de marzo, ás 14:00 horas, no restaurante Trapeiro.

Publicado el 09/03/2020

Dolores González Castro gaña o concurso de fotos “A muller máis importante na miña vida”

Máis de setenta persoas participaron na noite de onte domingo nos actos organizados polo Concello de Lousame para conmemorar o Día da Muller. Así, a Casa da Cultura acolleu durante unha hora unha exposición coas 29 fotografías presentadas ao con curso “A muller máis importante na miña vida”, levado a cabo na Internet durante as tres últimas semanas. Unha mostra efímera, pois as imaxes foron o agasallo que levaron esas 29 persoas por participaren no concurso.

Publicado el 04/03/2020

Lousame conmemora o Día da Muller co concerto “Tecendo soños” de Esperanza Mara e a mostra e entrega de premios do concurso de fotos

O Concello de Lousame conmemorará o Día da Muller con dúas actividades na Casa da Cultura este domingo 8 de marzo: a exposición e entrega de premios do concurso de fotografía “A muller máis importante na miña vida” e o concerto “Tecendo soños”, da soprano Esperanza Mara. Uns actos que estarán presididos pola alcaldesa de Lousame, Teresa Villaverde, e a concelleira de Igualdade, Silvia Agrafojo.

Publicado el 29/02/2020

O albergue de Toxosoutos abre as súas portas ao público tras unha fonda renovación interior ao que se sumarán actividades de dinamización

O albergue de Toxosoutos abre oficialmente as súas portas ao público dende hoxe sábado, tras o éxito da experiencia piloto rexistrada o pasado fin de ano. Unha efeméride que a empresa concesionaria, Karios The Experience Company, quixo conmemorar cunha xornada de portas abertas á que se sumaron medio cento de persoas e á que se sumaron a alcaldesa de Lousame, Teresa Villaverde, e os concelleiros de Obras, Ramón Martínez, e Cultura, Silvia Agrafojo.

Publicado el 25/02/2020

Os nenos e nenas do Lousame Concilia celebran obradoiros de antefaces e filloas

Os nenos e nenas que participan na Ludoteca de Entroido de Lousame celebraron hoxe dous obradoiros lúdicos: un de elaboración de antefaces de Entroido e outro de receitas, no que elaboraron filloas que despois paparon tras adornalas con distintas larpeiradas do seu gusto. Lousame Concilia é un programa de conciliación da vida laboral e familiar posto en marcha polo Concello de Lousame en colaboración coa Secretaría Xeral de Igualdade e o Fondo Social Europeo. Os nenos e nenas que participan na Ludoteca de Entroido de Lousame celebraron hoxe dous obradoiros lúdicos: un de elaboración de antefaces de Entroido e outro de receitas, no que elaboraron filloas que despois paparon tras adornalas con distintas larpeiradas do seu gusto. Lousame Concilia é un programa de conciliación da vida laboral e familiar posto en marcha polo Concello de Lousame en colaboración coa Secretaría Xeral de Igualdade e o Fondo Social Europeo.

Publicado el 22/02/2020

O Concello de Lousame editará un libro coas fotografías antigas recollidas na exposición “Lousame en fotos” e con novas achegas

Nunca ata o de agora a sala de exposicións de Lousame rexistrara tal cantidade de visitas na apertura ao público dunha exposición. A mostra “Lousame en fotos”, organizada pola asociación Club de Xubilados de Lousame, en colaboración co Concello de Lousame e coa financiación da Deputación da Coruña, reuniu na noite de onte a uns 150 veciños e veciñas, que mesmo tiveron que entrar na sala en varias quendas.

Publicado el 21/02/2020

O alumnado do Obradoiro de Emprego Lousame-Noia 2019 reciben os diplomas dun curso de prevención de riscos laborais

O salón de plenos do Concello de Lousame acolleu esta mañá o acto de entrega de diplomas dun curso de prevención de riscos laborais realizado polo alumnado do Obradoiro de Emprego Lousame-Noia 2019. “Unha formación homologada e que permite dende xa aos alumnos e alumnas que o cursaron traballar como recursos preventivos nunha empresa”, explicou o director do obradoiro, Andrés Novo Lombao.

Publicado el 20/02/2020

O Concello de Lousame celebrará o seu Festival de Entroido este sábado 22 de febreiro no polideportivo municipal Pilar Barreiro Senra

O Concello de Lousame celebrará este sábado 22 de febreiro o seu Festival de Entroido, que terá lugar entre as 17:00 e as 20:00 horas no polideportivo municipal “Pilar Barreiro Senra” (A Silva). Un festival que mantén o modelo probado con éxito en 2016: non haberá Concurso de Disfraces, que pasará a converterse nun Desfile de Disfraces, tal e como explicou esta mañá a concelleira de Cultura, Silvia Agrafojo, acompañada polos técnicos de Cultura, María Teresa Baluja, e Voluntariado, José Manuel Outeiral.

Publicado el 20/02/2020

A Casa da Cultura acolle mañá venres a apertura dunha exposición do Club de Xubilados con máis de 100 fotografías antigas

A Casa da Cultura de Lousame acollerá mañá venres 21 de febreiro, ás 20:00 horas, a apertura ao público da mostra “Lousame en fotos”, organizada pola asociación Club de Xubilados de Lousame, en colaboración co Concello de Lousame e coa financiación da Deputación da Coruña. Un acto que estará presidido por Francisco Avelino García Nieto e ao que asistirán os 23 socios e socias do Club de Xubilados de Lousame; a alcaldesa Teresa Villaverde e a concelleira de Servizos Sociais e Cultura, Silvia Agrafojo.

Publicado el 18/02/2020

O Club de Xubilados de Lousame organiza “Lousame en fotos”, unha exposición con máis de 100 fotografías antigas do municipio

A asociación Club de Xubilados de Lousame organiza “Lousame en fotos”, unha exposición con máis dun cento de fotografías antigas do municipio achegadas por 23 socios e socias da entidade. Unha mostra que poderá ser visitarda na Casa da Cultura lousamiá, entre o 21 de febreiro e o 6 de marzo, e que recolle distintos tipos de imaxes de Lousame: aldeas, persoas, edificios, festas, romarías...

Publicado el 13/02/2020

O alumnado do obradoiro de emprego acondiciona o Monte do Bolo e a contorna do local social de Barro

O alumnado do obradoiro de emprego promovido polos concellos de Lousame e Noia está a realizar estes días prácticas nos espazos naturais do municipio. Unhas prácticas que deron comezo o pasado mes de xaneiro no Monte do Bolo, que esta semana se están a concentrar na contorna do local social de Barro e que continuarán nos próximos días en zonas verdes de Bergondo e San Paio, así como na área recreativa da Barquiña, entre outras.

Publicado el 08/02/2020

OVIDIO RODEIRO INFORMOU QUE A XUNTA APOIOU NA COMARCA DO BARBANZA A 42 AUTÓNOMOS CON AXUDAS DE MÁIS DE 104.000€

O delegado territorial da Xunta, Ovidio Rodeiro, informou da resolución do Bono Autónomo na área do Barbanza. Concretamente, nesta comarca recibiron, no 2019, estas axudas 42 persoas e as achegas totais foron de máis de 104.000 euros para traballadores por conta propia dos concellos de Boiro, Carnota, Lousame, Muros, Noia, Outes, Pobra do Caramiñal, Rianxo e Ribeira.

Publicado el 05/02/2020

O Concello de Lousame inviste 70.000 euros nas obras de pavimentación do viario que une Servia coa estrada Padrón-Portobravo

O Concello de Lousame está a investir máis de 70.000 euros na pavimentación do viario que une a localidade de Servia (parroquia de Vilacoba) coa estrada AC-308 Padrón-Portobravo, unhas obras que deron comezo esta semana e teñen un prazo máximo de execución de 90 días. Uns traballos que acomete a empresa Grupo Nosa e comezaron coa construción de 130 metros de cuneta de seguridade polo centro da aldea, baixo a que se está a instalar unha tubería de PVC de 400 milímetros de diámetro e catro arquetas con sumidoiro para a recollida de augas pluviais.

Publicado el 04/02/2020

O Concello de Lousame convoca unha selección de persoal para elaborar unha bolsa de emprego para o Servizo de Axuda no Fogar

O Concello de Lousame vén de publicar hoxe na súa páxina web (www.concellodelousame.gal) as bases da convocatoria do proceso de selección de persoal laboral para crear unha bolsa de emprego, que servirá para realizar as contratacións temporais como auxiliares no Servizo de Axuda no Fogar (SAF) de libre concorrencia. O prazo de presentación de instancias no Rexistro Xeral do Concello de Lousame é de 10 días hábiles, a contar dende o día seguinte á súa publicación no Boletín Oficial da Provincia.

Publicado el 01/02/2020

O Pleno de Lousame aproba por unanimidade os Orzamentos para 2020, que ascenden a 3,8 millóns de euros e destinan 1,2 millóns a servizos sociais, cultura e deporte

O pleno de Lousame aprobou onte venres por unanimidade os Orzamentos Municipais para 2020, que ascenden a 3.818.575,43 euros, o que supón un 0,06% máis ca no exercicio anterior. Unhas contas que, por primeira vez nos últimos sete anos, foron aprobadas cos votos a favor de PP e PSOE, xa que o BNG xustificou a súa ausencia á sesión.

Publicado el 28/01/2020

O Concello de Lousame convoca dous obradoiros de cestaría, un de tapicería e outro para a elaboración de lámpadas de origami

O Concello de Lousame abre o prazo de inscrición nos seus “Obradoiros 2020”, catro iniciativas formativas dirixidas a adultos que se desenvolverán entre os meses de febreiro a abril. As persoas interesadas en participar poden inscribirse dende xa no teléfono 981 825 780 ou na Casa da Cultura de Lousame. O número de prazas está limitado a catorce persoas por curso e a admisión realizarase segundo orde de inscrición.

Publicado el 22/01/2020

Máis de 3.000 persoas visitaron as minas de San Finx no 2019, un 69% máis co ano anterior

Un total de 3.046 persoas visitaron o poboado mineiro das minas de San Finx durante o ano 2019, realizando un percorrido guiado polas instalacións da man de Mayte Sobradelo, licenciada en historia e técnica municipal do Concello de Lousame. Unhas visitas nas que os presentes coñecen tanto a historia das minas como a súa evolución ao longo dos anos, así como o traballo realizado polo Concello de Lousame para rehabilitar e poñer en valor este patrimonio.