Publicado el 05/03/2020

A VECIÑANZA DE RIBEIRA XA PODE CONSULTAR E PAGAR ONLINE OS SEUS IMPOSTOS MUNICIPAIS A TRAVÉS DO PORTELO DIXITAL DA WEB DO CONCELLO

Os cidadáns do municipio ribeirense xa poden consultar online os seus recibos e, incluso, no caso de que non os teñan domiciliados, pagalos sen necesidade de acudir ao Consistorio ou a unha entidade financeira cunha simple tarxeta bancaria de débito ou crédito. Ese foi unha das principais novidades dadas a coñecer por parte de Ana Barreiro, concelleira de Innovación Tecnolóxica e Transparencia de Ribeira, nunha comparecencia ante os medios na que se explicaron os principais avances que se están a impulsar no Concello en materia de administración electrónica e sustentable.

Publicado el 03/03/2020

A Deputación da Coruña e a Mancomunidade Arousa Norte impulsan o proxecto de xeoparque Idade de Ferro

O vicepresidente e responsábel da área de Turismo da Deputación da Coruña, Xosé Regueira, reuniuse cos alcaldes de Boiro, José Ramón Romero, Ribeira, Manuel Ruíz, A Pobra do Caramiñal, Xosé Lois Piñeiro e Rianxo, Adolfo Muíño para impulsar o proxecto de Xeoparque Idade de Ferro como unha liña de promoción turística e cultural do territorio ademais de analizar distintas vías de colaboración para a dinamización da Mancomunidade Arousa Norte. Na xuntanza participou tamén a coordinadora técnica, Irene Maneiro.

Publicado el 02/03/2020

AS CONDUTORAS E TRANSPORTISTAS DO MUNICIPIO SERÁN HOMENAXEADAS EN RIVEIRA CON MOTIVO DO DÍA INTERNACIONAL DA MULLER

As mulleres e transportistas do municipio será o colectivo homenaxeado polo Concello de Riveira con motivo do Día Internacional da Muller. Así o dou a coñecer esta mañá a concelleira de Igualdade, Ana Ruiz, nun acto no que estivo acompañada da directora do CIM, Dolores Crujeiras, coa fin de presentar o calendario de eventos organizado con motivo da efeméride, unha programación que se estenderá entre o venres 6 e o propio domingo 8 de marzo.

Publicado el 28/02/2020

A EXPOSICIÓN “MIS ETAPAS” DE MANUEL ROMERO AMPLÍASE ATA O 7 DE MARZO NO LUSTRES RIVAS

O Concello de Riveira informa de que a exposición “Mis Etapas” do pintor noiés Manuel Romero que estaba previsto rematase mañá sábado amplíase ata o vindeiro 7 de marzo, logo de que tras o recente falecemento do artista se producise un sensible repunte no número de visitas e se recibisen demandas para que se prolongase uns días máis.

Publicado el 20/02/2020

ADXUDICADA A IMPLANTACIÓN EN RIVEIRA DUN SISTEMA DE CARTELERERÍA DIXITAL INFORMATIVA

O Concello de Riveira informa da adxudicación con carácter definitivo dunha actuación dirixida ao subministro, instalación, conexión, posta en servizo e explotación dun Sistema de Cartelería Dixital que persegue ofrecer á cidadanía información relevante sobre eventos, municipal e turística por medio de seis paneis de alta resolución, tres interiores e tres exteriores.

Publicado el 20/02/2020

MÁIS DE 500 DEPORTISTAS INSCRITOS NO OPEN NACIONAL DE TAEKWONDO ‘CIDADE DE RIVEIRA’, RANKEABLE PARA O CAMPIONATO DO MUNDO

Máis de 500 combatentes están inscritos no Open Nacional de Taekwondo ‘Cidade de Riveira’ na modalidade de técnica que vai albergar o polideportivo municipal da Fieiteira o vindeiro sábado 29 de febreiro. Así o anunciou esta tarde o presidente da Federación Galega de Taekwondo, Juan Carlos Eiriz, nunha presentación que contou tamén coa comparecencia do alcalde Manuel Ruiz, da concelleira de Deportes, Juana Brión, e do presidente do club Natural Sport, entidade promotora de que este torneo se celebre no noso municipio.