A XUNTA EXECUTA ACTUACIÓNS DE CONSERVACIÓN E LIMPEZA NO RÍO TE E NOS REGATOS DE FLOXO E BATÁN, NO CONCELLO DE RIANXO

A XUNTA EXECUTA ACTUACIÓNS DE CONSERVACIÓN E LIMPEZA NO RÍO TE E NOS REGATOS DE FLOXO E BATÁN, NO CONCELLO DE RIANXO

Escrito el 17/05/2019


A Consellería de Infraestruturas e Mobilidade, a través de Augas de Galicia, vén de iniciar os traballos de limpeza e conservación nos regatos de Floxo e de Batán e no río Te, no Concello de Rianxo.

 

Estes traballos de mantemento lévanse a cabo no treito interurbano destes dous regos ao seu paso polas parroquias de Taragoña e do Araño.

 

As obras céntranse no desbroce de maleza das marxes e que invade o leito, na retirada das árbores e pólas caídas e da madeira morta existente. Unha vez finalizadas estas actuacións, o río quedará despexado de maleza, posibilitando así a circulación fluída das súas augas.

 

A Xunta desenvolve estas accións no marco do programa de mantemento, conservación e mellora do dominio público hidráulico das bacías de Galicia- Costa, no ámbito territorial da zona Galicia Centro e as súas zonas de acceso e protección.

 

Con estes tipo de intervencións Augas de Galicia traballa na mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna do río.